Shkrimtarja dhe producentja Anna Todd ka treguar se e kuptoi menjëherë se Maia Reficco dhe Fernando Lindez ishin aktorët idealë për rolet kryesore në filmin The Last Sunrise, transmeton gazeta “Unaza Online”.
Filmi, i përshtatur nga romani me të njëjtin titull i Todd, zhvillohet në ishullin piktoresk spanjoll Mallorca. Historia ndjek të renë amerikane Oriah “Ry”, e interpretuar nga Maia Reficco, e cila gjatë qëndrimit në ishull bie në dashuri me Julian, një vendas simpatik i luajtur nga Fernando Lindez.
Në një intervistë ekskluzive për PEOPLE, 37-vjeçarja Anna Todd rrëfeu se, kur shkroi romanin, nuk kishte një aktore të caktuar në mendje për personazhin e Ry. Megjithatë, gjithçka ndryshoi kur takoi Maia Reficcon.
Todd tha se Ry përshkruhej me flokë të errët dhe sy të mëdhenj e shumë shprehës, ndërsa për Julianin kishte një ide shumë të qartë për pamjen e tij.
“Kur takova Maian, thashë: ‘Po, kjo është pikërisht ajo’”, tregoi Todd, duke shpjeguar se edhe për Fernando Lindez pati një ndjesi të ngjashme. Ajo e kishte parë aktorin fillimisht në Instagram dhe më pas ekipi realizoi prova të ndryshme, përfshirë testet e kimisë mes aktorëve.
Sipas Todd, Maia ishte zgjedhja perfekte që në fillim dhe të gjithë ishin dakord me të. Edhe për rolin e Julianit, megjithëse u provuan aktorë të tjerë, Lindez ishte zgjedhja që u dallua.
Anna Todd ka lënë gjithashtu të kuptohet se historia e The Last Sunrise mund të vazhdojë. Autorja ka zbuluar se tashmë ka marrë draftin e dytë të skenarit për një film të mundshëm vazhdim.
Sipas raportimeve të Deadline, Todd po mendon gjithashtu për mundësinë që historia të zgjerohet në një trilogji librash, pas suksesit ndërkombëtar të serisë së saj të famshme After.
(Unaza Online)