Shkrimtarja britanike E.J. Swift është shpallur fituese e çmimit Arthur C. Clarke Award 2026, një nga vlerësimet më të rëndësishme për letërsinë fantastiko-shkencore në Britani, transmeton gazeta “Unaza Online”.
Swift e fitoi çmimin me romanin e saj When There Are Wolves Again, një vepër që ndërthur ndryshimet klimatike, aktivizmin mjedisor dhe një të ardhme të mundshme të njerëzimit.
Ngjarjet e romanit shtrihen deri në vitin 2070 dhe ndjekin jetët e dy grave, Lucy dhe Hester, të cilat përballen me pasojat e ndryshimeve klimatike dhe transformimit të shoqërisë.
Romani u përzgjodh mes 132 veprave të dorëzuara nga 52 botues dhe autorë të pavarur, duke e bërë fitoren e Swift edhe më të rëndësishme.
Juria e vlerësoi veprën për mënyrën se si trajton ndryshimet mjedisore dhe mundësinë e rimëkëmbjes së planetit, duke e përshkruar atë si një vepër që përcjell një shpresë afatgjatë për të ardhmen.
Çmimi Arthur C. Clarke, i themeluar në vitin 1987, mban emrin e shkrimtarit të njohur britanik Arthur C. Clarke dhe është një nga çmimet më të njohura në letërsinë fantastiko-shkencore.
(Unaza Online)