Këngëtari i njohur turk Mabel Matiz, emri i vërtetë i të cilit është Fatih Karaca, është përfshirë në një çështje që ka shkaktuar shumë diskutime në Turqi. Prokuroria në Stamboll ka nisur hetim ndaj tij për dyshimin e “paturpësisë” (obscenity) lidhur me videoklipin e këngës së tij të re “Ha Leylim”, transmeton gazeta “Unaza Online”.
Videoklipi, i publikuar në fillim të muajit, përmban një histori ku dy burra shkëmbejnë shikime dhe krijohet një tension romantik mes tyre. Pas publikimit, videoja u përhap shumë në rrjetet sociale dhe shkaktoi debate të mëdha.
Matiz e ka mbrojtur veprën e tij duke argumentuar se bëhet fjalë për shprehje artistike. Ai ka deklaruar në gjykatë se një vepër arti nuk duhet të trajtohet si krim vetëm për shkak të mënyrës se si interpretohet nga publiku. Rasti ka tërhequr vëmendje edhe jashtë Turqisë, pasi Matiz është një nga artistët turq më të dëgjuar ndërkombëtarisht, me mbi 2 miliardë transmetime në Spotify.
(Unaza Online)