Një situatë serioze shëndetësore po zhvillohet në Republikën Demokratike të Kongos, ku epidemia e Ebolës është bërë një nga shpërthimet më të mëdha të regjistruara. Sipas Organizatës Botërore të Shëndetësisë, deri në raportimin e 12 gushtit ishin regjistruar 4,449 raste të konfirmuara dhe 2,061 viktima në pesë provinca dhe 53 zona shëndetësore, transmeton gazeta “Unaza Online”.
Shumica e rasteve dhe viktimave janë përqendruar në provincën Ituri. OBSH-ja ka paralajmëruar se sëmundja po përhapet me shpejtësi dhe se një pjesë e viktimave po identifikohen në komunitete, jashtë qendrave të trajtimit.
Për të frenuar përhapjen, autoritetet po rrisin gjurmimin e personave që kanë pasur kontakt me të infektuarit dhe po zgjerojnë kapacitetet e trajtimit. Situata mbetet shqetësuese për shkak të vështirësive në identifikimin e të gjitha zinxhirëve të transmetimit.
(Unaza Online)