Aktorja kolumbiane Danna García, e njohur sidomos për rolin e Norma Elizondo në serialin Pasión de Gavilanes, ka kaluar një moment të vështirë personal, transmeton gazeta “Unaza Online”.
Më 11 gusht 2026, babai i saj, Jaime García, ndërroi jetë. Lajmin e bëri të ditur vetë aktorja më 13 gusht përmes rrjeteve sociale.
Danna ndau disa fotografi familjare me babain e saj dhe i kushtoi atij një mesazh shumë emocional. Ajo e përshkroi të atin si “superheroin tim” dhe “dashurinë time të parë të madhe”, duke kujtuar marrëdhënien e tyre dhe momentet që kishin kaluar së bashku.
Aktorja nuk ka bërë të ditur shkakun e vdekjes dhe as nuk ka dhënë detaje të tjera për ceremoninë mortore. Pas publikimit të lajmit, shumë fansa, miq dhe kolegë nga bota e televizionit i kanë dërguar mesazhe ngushëllimi.
Danna García vazhdon të jetë një nga aktoret më të njohura të telenovelave latino-amerikane. Përveç suksesit të madh me Pasión de Gavilanes, ajo është protagoniste edhe në “Hermanas, un amor compartido”, një projekt televiziv i viteve të fundit
(Unaza Online)