Burak Özçivit po përgatitet për rikthimin në ekran me një projekt të ri televiziv. Aktori i njohur turk ka nisur xhirimet e serialit “Güneşin Doğduğu Yer”, një nga produksionet e reja që pritet të shfaqet në sezonin televiziv 2026–2027, transmeton gazeta “Unaza Online”.
Özçivit do të interpretojë personazhin Kenan Kozan. Nisja e xhirimeve është konfirmuar nga ATV, e cila publikoi edhe pamje nga aktori në sheshxhirim me emrin e serialit në klaketë.
Historia e serialit do të nisë në Gjermani dhe më pas do të zhvendoset në Adana, duke sjellë në ekran një histori me një atmosferë të fortë dramatike dhe elemente të botës së ashpër të Adanës.
Produksioni mban firmën e TIMS&B Productions. Në ekipin krijues janë producentët Timur Savcı dhe Burak Sağyaşar, ndërsa skenari është shkruar nga Yıldız Tunç. Regjinë e projektit e drejtojnë Çağrı Vila Lostuvalı dhe Çiğdem Bozali.
Në kastin e serialit janë përfshirë edhe emra të njohur të kinematografisë dhe televizionit turk, mes tyre Sibel Taşçıoğlu, Görkem Sevindik, Devrim Yakut dhe Bahar Süer.
Rikthimi i Burak Özçivit ka tërhequr interes të madh, veçanërisht për shkak të popullaritetit të tij në Turqi dhe jashtë saj. Publikimi i materialeve të para nga sheshxhirimi ka rritur pritshmëritë e publikut për serialin e ri.
“Güneşin Doğduğu Yer” pritet të jetë një nga produksionet që do të kërkojë vëmendjen e publikut gjatë sezonit të ri televiziv.
(Unaza Online)