David Fincher dhe Quentin Tarantino bashkojnë forcat për vazhdimin e historisë së personazhit të famshëm
Një nga lajmet më të mëdha të Hollywood-it është rikthimi i Brad Pitt në rolin e Cliff Booth, personazhit që i solli atij Oscar-in për aktorin dytësor në Once Upon a Time in Hollywood.
Filmi i ri mban titullin “The Further Mis-Adventures of Cliff Booth” dhe drejtohet nga David Fincher, ndërsa skenari është shkruar nga Quentin Tarantino. Historia zhvillohet në vitin 1977 dhe e gjen Cliff Booth në një Hollywood që ka ndryshuar ndjeshëm.
Në film shfaqen gjithashtu Elizabeth Debicki, Scott Caan, Carla Gugino dhe Yahya Abdul-Mateen II. Sipas përshkrimit të projektit, Cliff përfshihet në një histori gjithnjë e më të rrezikshme pasi lidhet me një yll televiziv dhe dy vëllezër gangsterë.
Filmi do të shfaqet fillimisht në IMAX për dy javë duke nisur nga 25 nëntori 2026, përpara se të mbërrijë në Netflix më 23 dhjetor.
(Unaza Online)