Beyoncé ka qenë në qendër të vëmendjes këtë fundjavë, pasi më 4 shtator festoi 45-vjetorin e lindjes, duke shënuar njëkohësisht edhe 20-vjetorin e albumit të saj të famshëm “B’Day”, transmeton gazeta “Unaza Online”.
Për këtë përvjetor, këngëtarja publikoi një edicion special me 31 këngë, që përfshin versionet e rinovuara të albumit të vitit 2006, materiale të papublikuara më parë dhe bashkëpunime të reja. Në projekt janë përfshirë edhe emra si Pharrell Williams, Maluma dhe këngëtarja e ndjerë Selena Quintanilla. Videot e lidhura me albumin janë gjithashtu restauruar dhe rikolorizuar.
Por surpriza më emocionuese erdhi nga Jay-Z. Gjatë koncertit të tij në Tottenham Hotspur Stadium në Londër, reperi ndaloi performancën dhe i kërkoi mijëra fansave t’i këndonin Beyoncé-s “Happy Birthday”, ndërsa ajo e ndiqte koncertin nga zona VIP. Në fund të momentit, stadiumi u ndriçua edhe nga fishekzjarret.
Beyoncé nuk u ndal vetëm te muzika. Në ditët e fundit, fondacioni i saj BeyGOOD ka dhuruar gjithashtu 200 mijë dollarë për organizatat që po ndihmojnë komunitetet e prekura nga përmbytjet në Indiana.
Kështu, 45-vjetori i artistes është kthyer në një kombinim të muzikës, nostalgjisë dhe momenteve familjare, ndërsa “B’Day” po rikthehet në vëmendjen e një brezi të ri dëgjuesish.
(Unaza Online)