Një lajm i bukur ka ardhur nga bota e showbizit turk. Aktorët e njohur Beril Pozam dhe Ersin Arıcı kanë bërë të ditur se janë në pritje të fëmijës së tyre të parë, transmeton gazeta “Unaza Online”.
Çifti, i cili u njoh gjatë xhirimeve të serialit të suksesshëm “Yalı Çapkını”, e ka kthyer historinë e dashurisë nga ekrani në jetën reale. Të dy u martuan në vitin 2024 dhe tashmë kanë ndarë me fansat një tjetër moment të rëndësishëm të jetës së tyre.
Lajmin për shtatzëninë e Pozam e bënë publik më 19 gusht, në përvjetorin e dytë të martesës. Çifti publikoi në rrjetet sociale edhe një imazh nga ekografia, duke konfirmuar se familja e tyre së shpejti do të zgjerohet.
Sipas raportimeve të mediave turke, Beril Pozam është rreth tre muajshe shtatzënë. Çifti pritet të mësojë gjininë e foshnjës në ditët në vijim.
Lajmi ka marrë vëmendje të madhe në mediat turke dhe te fansat e dy aktorëve, të cilët kanë ndjekur prej vitesh edhe historinë e tyre të dashurisë, e cila nisi në sheshxhirimin e “Yalı Çapkını”.
Për Beril Pozam dhe Ersin Arıcı, kjo është një nga periudhat më të veçanta të jetës së tyre, ndërsa fansat tashmë mezi presin të mësojnë më shumë rreth ardhjes së anëtarit të ri të familjes.
(Unaza Online)