Një lajm i bukur ka ardhur nga familja e njohur e këngëtares Mihrije Braha dhe bashkëshortit të saj, Naim Abazi, transmeton gazeta “Unaza Online”.
Familja e tyre po përjeton një nga momentet më të veçanta, pasi Tringa, bashkëshortja e djalit të tyre, Platorit, është në pritje të ëmbël dhe së shpejti do të bëhet nënë për herë të parë.
Lajmin e gëzueshëm e ka ndarë vetë Tringa me ndjekësit e saj në rrjetet sociale. Ajo ka publikuar një fotografi ku shfaqet me barkun e rrumbullakosur, duke konfirmuar kështu se familja po pret me padurim ardhjen në jetë të një anëtari të ri.
Krahas fotografisë, Tringa ka zgjedhur një mbishkrim të shkurtër: “Vajzë apo djalë?”
(Unaza Online)