Një nga emrat më të njohur të telenovelave meksikane, Victoria Ruffo, ka ngjallur interes të madh pas deklaratave të saj lidhur me mundësinë për t’iu bashkuar “La Casa de los Famosos México”, transmeton gazeta “Unaza Online”.
Ruffo, e njohur për rolet e saj në telenovela si La Madrastra, Corona de Lágrimas dhe Simplemente María, nuk e ka përjashtuar mundësinë e pjesëmarrjes në reality-show, por ka bërë të qartë se do të kishte disa kushte.
Aktorja ka lënë të kuptohet se një marrëveshje e tillë do të duhej të ishte shumë tërheqëse financiarisht, ndërsa ka folur edhe për komoditetin dhe privatësinë gjatë qëndrimit në shtëpi.
Ndër kushtet e përmendura janë një pagesë e konsiderueshme, më shumë rehati gjatë qëndrimit dhe madje edhe mundësia për të pasur një banjë private. Për Ruffon, e cila ka më shumë se katër dekada karrierë në televizion, një pjesëmarrje e tillë do të ishte një ndryshim i madh nga rolet tradicionale në telenovela.
(Unaza Online)