Këngëtari kanadez Justin Bieber ka ndarë me ndjekësit disa momente nga vera e tij, duke tërhequr vëmendjen me fotografitë ku shfaqet së bashku me bashkëshorten e tij, Hailey Bieber, transmeton gazeta “Unaza Online”.
Në postimin e publikuar në Instagram më 17 gusht, çifti shihet duke kaluar kohë së bashku në një ndeshje të Los Angeles Dodgers. Justin publikoi edhe momente familjare me djalin e tyre, Jack Blues, duke ruajtur privatësinë e tij dhe duke mos ia treguar fytyrën në rrjetet sociale.
Në fotografitë e publikuara, Hailey shfaqet me një unazë fejese me diamant oval, ndërsa Justin ka përfshirë edhe disa pamje nga aktivitetet e tij gjatë verës dhe nga marka e tij e modës, SKYLRK.
Postimi mori vëmendje të madhe nga fansat, të cilët u interesuan veçanërisht për momentet romantike të çiftit dhe jetën e tyre familjare.
(Unaza Online)