Këngëtarja shqiptare me famë ndërkombëtare, Rita Ora, ka shijuar një ditë relaksi në Ibiza, ku është fotografuar në një jaht së bashku me bashkëshortin e saj, Taika Waititi, transmeton gazeta “Unaza Online”
Çifti, i cili është i martuar që nga viti 2022, është parë i afërt teksa po shijonte kohën nën rrezet e diellit.
Rita Ora, 35-vjeçare, tërhoqi vëmendjen me paraqitjen e saj, e veshur me bikini të zeza pa rripa, ndërsa kishte vendosur një shami të kuqe në flokët biondë dhe kishte kombinuar pamjen me disa varëse ari.
Gjatë qëndrimit në jaht, këngëtarja u pa duke shijuar edhe një pushim cigaresh pranë bashkëshortit të saj.
Ndërkohë, Taika Waititi kishte zgjedhur pantallona të shkurtra të zeza, një kapele dhe syze dielli.
Çifti mbërriti në jaht së bashku me miqtë, ndërsa më pas u freskuan duke u zhytur në ujërat e Ibizës.
(Unaza Online)