Ngërçi politik në Kosovë po vazhdon, ndërsa partitë politike nuk kanë arritur ende një marrëveshje për tejkalimin e bllokadës institucionale.
Ushtruesja e detyrës së presidentes, Albulena Haxhiu, ka ftuar partitë politike në një takim për të martën, me qëllim të diskutimit për situatën e krijuar dhe gjetjen e një zgjidhjeje.
Mirëpo, PDK-ja, LDK-ja dhe AAK-ja e kanë refuzuar ftesën për takim, ndërsa kreu i LDK-së, Lumir Abdixhiku, ka deklaruar se pranon të takohet vetëm me Albin Kurtin dhe jo me Albulena Haxhiun.
Në mungesë të një dakordimi politik, Kuvendi vazhdon të jetë i bllokuar, ndërsa zgjedhja e presidentit mbetet një prej çështjeve kryesore që duhet të zgjidhet për tejkalimin e ngërçit.
Mbetet të shihet nëse partitë politike do të arrijnë të gjejnë një kompromis për të zhbllokuar institucionet dhe për t’i hapur rrugë zgjedhjes së presidentit.
(Unaza Online)