Ministri i Punëve të Jashtme të Kosovës, Glauk Konjufca ka thënë se sot pret aktgjykim lirues për katërshen e UÇK-së.
Konjufca, i cili do të jetë prezent në seancën e shpalljes së aktgjykimit në Gjykatën Speciale në Hagë në rastin e Thaçit dhe të tjerëve, tha se lufta e UÇK-së ishte mbrojtëse.
“Ne presim vetëm një vendim, aktgjykim lirues për drejtuesit e Shtabit të UÇK-së. Lufta jonë ishte një luftë e domosdoshme mbrojtëse dhe kishte vetëm një qëllim: qëllimin e lirisë për popullin tonë dhe stopimin e gjenocidit që ishin duke e kryer në atë kohë forcat ushtarake, policore dhe paraushtarake të Serbisë”, ka thënë ai.
Konjufca tha se gjenocidin e Serbisë në Kosovë e dëshmuan dhjetëra figura ndërkombëtare, përfshirë gjeneralin e NATO-s, Wesley Clark.
(Unaza Online)