Kosovë – E premtja do të sjellë mot kryesisht të kthjellët dhe të nxehtë në pjesën më të madhe të vendit. Pjesën më të madhe të ditës do ta karakterizojnë intervalet e gjata me diell, ndërsa vranësira më të shpeshta priten kryesisht në zonat malore.
Gjatë orëve të pasdites, në disa zona malore mund të ketë zhvillim të vranësirave, të shoqëruara lokalisht me rrebeshe shiu, vetëtima dhe bubullima. Reshjet pritet të jenë të izoluara dhe me kohëzgjatje të shkurtër, ndërsa pjesa tjetër e territorit do të mbetet kryesisht e thatë.
Temperaturat do të lëvizin nga rreth 21°C në orët e para të ditës, deri në 35°C gjatë pasdites.
Shqipëri – Edhe në Shqipëri pritet një ditë kryesisht me diell dhe temperatura të larta. Në pjesën më të madhe të territorit do të mbizotërojë mot i qëndrueshëm dhe i thatë, me vranësira të pakta.
Në zonat malore, veçanërisht në pjesën lindore të vendit, gjatë mesditës dhe pasdites mund të ketë shtim të përkohshëm të vranësirave. Në mënyrë të izoluar mund të regjistrohen edhe reshje të dobëta shiu, të cilat pritet të jenë të shkurtra.
Temperaturat në Shqipëri parashihet të lëvizin nga 24°C deri në 35°C, duke mbajtur motin të nxehtë në pjesën më të madhe të territorit.
(Unaza Online)