Remitencat nga diaspora vazhdojnë të kenë një rol të rëndësishëm në ekonominë e Kosovës. Sipas të dhënave paraprake të Bankës Qendrore të Kosovës, remitencat e pranuara gjatë gjysmës së parë të vitit 2026 arritën në 690.5 milionë euro.
Shuma është rreth 5 për qind më e lartë krahasuar me periudhën e njëjtë të vitit të kaluar, kur diaspora kishte dërguar rreth 655 milionë euro.
Paratë e dërguara nga mërgimtarët kanë ndikim të drejtpërdrejtë në ekonominë familjare, por edhe në konsumin e brendshëm. Një pjesë e tyre përdoret për shpenzime të përditshme, ndërsa një pjesë tjetër investohet në patundshmëri, biznese dhe projekte familjare.
Rritja e remitencave vjen në një kohë kur ekonomia e Kosovës po përballet edhe me presione nga inflacioni. Të dhënat e fundit tregojnë se inflacioni vjetor në korrik arriti në 6.5 për qind, nga 6 për qind në qershor.
Për një ekonomi ku diaspora ka peshë të madhe, shifrat e remitencave mbeten një tregues i rëndësishëm i fuqisë së lidhjes ekonomike mes Kosovës dhe mërgimtarëve të saj.
(Unaza Online)