Kryetari i LDK-së, Lumir Abdixhiku, ka deklaruar se nuk do të marrë pjesë në takimin e ftuar nga ushtruesja e detyrës së presidentes, Albulena Haxhiu, transmeton gazeta “Unaza Online”.
Abdixhiku ka thënë se Haxhiu është deputete dhe se LDK-ja nuk do të zhvillojë takim me të në këtë format.
Sipas tij, për çështjet politike dhe tejkalimin e ngërçit institucional, LDK-ja është e gatshme të takohet vetëm me kryeministrin në detyrë, Albin Kurti.
Refuzimi i ftesës vjen në kohën kur Kuvendi i Kosovës vazhdon të jetë i bllokuar, ndërsa partitë politike ende nuk kanë arritur marrëveshje për tejkalimin e krizës institucionale dhe zgjedhjen e presidentit.
(Unaza Online)