Tre mjekë të maternitetit të Pogradecit janë vënë nën hetim lidhur me vdekjen e një 36-vjeçareje shtatzënë, e cila ndërroi jetë gjatë transportimit drejt Tiranës.
Bëhet fjalë për dy kirurgë dhe një mjek reanimator, të cilët po hetohen për rastin.
“Specialistët për Hetimin e Krimeve të Komisariatit të Policisë Pogradec referuan materialet në Prokurori ku nisi procedimi penal për shtetasit: B. D., 35 vjeçe, banues në Elbasan, A. T., 40 vjeç, dhe S. Ç., 34 vjeç, të dy banues në Pogradec, me detyrë mjekë në maternitetin e Pogradecit”, njofton policia.
Sipas Policisë, 36-vjeçarja, e cila ndodhej në muajin e shtatë të shtatzënisë, është ekzaminuar nga tre mjekët në maternitetin e Pogradecit. Gjatë rrugës drejt Tiranës, gjendja e saj shëndetësore është përkeqësuar.